Braziliyada Bolsonaro haqqında yeni qalmaqal – pulların yuyulması iddiası

Braziliya polisi artıq dövlət çevrilişinə cəhddə ittiham olunan sabiq prezident Jair Bolsonarunu təxminən 30 milyon real (5,4 milyon dollardan çox) məbləğində pul yuyulmasında şübhəli bilir. Bu barədə Folha de Sao Paulo nəşri xəbər yayıb.

Federal polisin araşdırmasına görə, pul yuyulması və digər cinayətlərlə əlaqəli olduğu güman edilən maliyyə əməliyyatları Bolsonaronun hesablarında 1 mart 2023-cü ildən 5 iyun 2025-ci ilədək həyata keçirilib.

Nəşrdə qeyd olunur ki, 2023-cü il martın 1-dən 2024-cü il fevralın 7-dək Bolsonaronun hesablarında kreditlər üzrə 30 milyon realdan çox, debit əməliyyatları üzrə isə 30 milyon realdan çox köçürmələr olub.

Ulusum.az