Milliyet: Türkiyə üçtərəfli sammiti sürətlə təşkil edə biləcək yeganə ölkədir

Türkiyənin Milliyet qəzetinin kolumnisti Özay Şendir İstanbuldakı Atatürk Hava Limanını Ukrayna üzrə üçtərəfli sammitin keçirilməsi üçün ideal məkan adlandırıb.

Onun fikrincə, Türkiyə qısa müddətdə belə bir görüşü siyasi baxımdan təşkil edə biləcək yeganə ölkədir.

Məqalədə qeyd olunur ki, Atatürk Hava Limanının şərəf zalı və mətbuat konfransları zalı sammitin keçirilməsi üçün kifayət qədər şəraitə malikdir. Bundan əlavə, toplantı binası təyyarədən cəmi 100 addımlıq məsafədə yerləşir ki, bu da təhlükəsizlik xidmətlərinin maraqlarına uyğundur.

Həmçinin vurğulanır ki, hava limanının dənizdən yaxın məsafədən müdafiə imkanı olan qapalı ərazisi mövcuddur. Müəllif xatırladır ki, Türkiyə Prezidenti Rəcəb Tayyib Ərdoğan həm Rusiya Prezidenti Vladimir Putin, həm Ukrayna Prezidenti Vladimir Zelenski, həm də ABŞ lideri Donald Tramp ilə əlaqələri davam etdirir.

Ulusum.az