Epşteyn qalmaqalı: Hanter Bayden Melaniyadan üzr istəmir

ABŞ-ın sabiq prezidenti Co Baydenin oğlu Hanter Bayden, ABŞ-ın birinci ledisi Melaniya Trampa qarşı dediklərinə görə üzr istəməkdən imtina edib. O, Donald Trampın Melaniya ilə tanışlığında pedofiliya ittihamı ilə həbs olunmuş maliyyəçi Ceffri Epşteynin rol oynadığını iddia etmişdi.

Channel 5-ə müsahibəsində Hanter Bayden: “Cəhənnəmə olsun, bu, heç vaxt olmayacaq” – deyə açıqlama verib.

Onun sözlərinə görə, dedikləri ABŞ mediasında yayımlanan materiallara əsaslanır.

Xatırladaq ki, bir gün əvvəl Melaniya Trampın vəkilləri Hanter Baydenə rəsmi məktub göndərərək bu iddiaları “yalan” və “böhtan” adlandırmış, onları geri çəkməsini tələb etmişdilər.

Ulusum.az