Danışıqlar günü də öldürürlər – Zelenskidən sərt mesaj

“Bizim kəşfiyyatdan, diplomatlarımızdan Alyaskada keçiriləcək görüşə hazırlıqla bağlı məlumatlar alıram — Putin oraya nə ilə gedir, nəyi planlaşdırır. Amma eyni zamanda bölgələrimizdən də hesabatlar gəlir: Sumıda mərkəzi bazara Rusiya zərbəsi, Dnepropetrovsk vilayətində şəhərlərə və müəssisələrə hücum, Zaporojye, Xerson və Donetsk bölgələrində məqsədli bombardmanlar. Müharibə davam edir. Ona görə davam edir ki, Moskvanın bu müharibəni bitirməyə nə əmri, nə də siqnalı var.

Danışıqlar günü də onlar öldürürlər. Bu, çox şey deyir. Arifə işarə kifayətdir. Dünən ABŞ və Avropa ilə həqiqətən işləyə biləcək addımları müzakirə etdik. Hamıya ədalətli son lazımdır. Ukrayna müharibəni bitirmək üçün maksimum məhsuldar işləməyə hazırdır. Biz Amerika tərəfinin güclü mövqeyinə ümid edirik. Çünki hər şey ondan asılıdır – ruslar yalnız Amerikanın gücünü hesablayır. Məhz gücü”, – Zelenski axşam müraciətində vurğulayıb.