Tramp Putinə: “Ərazi müzakirəsi olmayacaq”

ABŞ prezidenti Donald Trampın Rusiya lideri Vladimir Putinlə görüşündə ərazilər mövzusunu gündəmə gətirməyəcəyi bildirilib. NBC telekanalının mənbələrinə görə, Tramp bu barədə Avropa İttifaqı liderləri və Ukrayna prezidenti Vladimir Zelenski ilə onlayn konfrans zamanı bəyanat verib.

Məlumata əsasən, ABŞ lideri atəşkəsin şərtsiz təmin olunmasını istəyir və hesab edir ki, istənilən sülh danışıqlarında Kiyev iştirak etməlidir.

NBC-nin məlumatına görə, bəzi Avropa liderlərində Trampın Putinlə görüş nəticələri barədə “çox da optimist olmadığı” təəssüratı yaranıb.

Ulusum.az