Politico Trampın Kiyevə təhlükəsizlik zəmanəti şərtini açıqladı

ABŞ prezidenti Donald Tramp Ukrayna və Avropa ölkələrinin liderləri ilə onlayn görüş zamanı NATO çərçivəsində həyata keçirilməmək şərti ilə Kiyevə təhlükəsizlik zəmanətləri verməyə hazır olduğunu açıqlayıb. Bu barədə “Politico” qəzeti üç mənbəyə istinadən məlumat yayıb.



Bununla belə, Tramp zəmanətlər dedikdə dəqiq nəyin nəzərdə tutulduğunu açıqlamayıb. Bundan əvvəl o, ABŞ-ın Kiyevə birbaşa silah tədarük etməyəcəyini, Avropa dövlətlərinin isə artıq bağlanmış saziş çərçivəsində NATO vasitəsilə bu tədarükü maliyyələşdirəcəyini bəyan etmişdi. Britaniya rəsmisinin sözlərinə görə, Tramp etiraf edir ki, Amerikanın təhlükəsizlik zəmanətləri münaqişənin yekun həllinin bir hissəsi olmalıdır və ABŞ-ın bunda öz rolunu oynayacağına inanır.

Ulusum.az