Suriya Rusiyadan patrulların bərpasını istəyir

Suriya keçid hökuməti Rusiyaya ölkənin cənub vilayətlərində hərbi polis patrullarını bərpa etməsi üçün müraciət edib.

Bu barədə “Kommersant” nəşri, Moskvada Suriya XİN nümayəndələrinin danışıqlarında iştirak edən mənbələrə istinadən məlumat yayıb.

Təşəbbüsün məqsədi — İsrailin 2024-cü ilin dekabrında “təhlükəsizlik bufer zonası” yaratmaq bəhanəsi ilə Suriyanın cənub bölgələrinin bir hissəsini tutmasının qarşısını almaqdır. Dəməşqin fikrincə, Rusiyanın mövcudluğu İsrail əməliyyatlarının intensivliyini azaldacaq. Artıq Suriya xarici işlər nazirinin səfərindən sonra Rusiya patrullarının şimal-şərqdə — əl-Qamışlı bölgəsində yenidən fəaliyyətə başladığı bildirilir.

“Mənbə vurğulayıb ki, Rusiya həm İsrailin müdaxiləsinə mane ola, həm də Dəməşqlə Təl-Əviv arasında dialoqun qurulmasına şərait yarada bilər.”

Ulusum.az