Tramp Netanyahunu qəzəblə danladı: “Bu aclıq saxta deyil!”

NBC News-un xəbərinə görə, ABŞ prezidenti Donald Tramp telefon danışığında İsrailin baş naziri Binyamin Netanyahunun sözünü kəsərək ona qışqırıb. Söhbət Qəzzadakı humanitar böhran və ac qalan uşaqlar barədə gedib.

🔹 Netanyahu iddia edib ki, kütləvi aclıq haqda xəbərlər HƏMAS tərəfindən uydurulub.
🔹 Tramp isə əsəbiləşərək deyib: “Aclığın saxta olduğunu eşitmək istəmirəm. Mənə sübutlar göstəriblər!”
🔹 O əlavə edib ki, Qəzzada uşaqların çox ac göründüyü fotoları görüb və bunun “saxtalaşdırıla bilməyəcəyini” bildirib.

Məlumata görə, Tramp “orada real aclıq var” sözlərini xüsusi vurğulayıb.

Ulusum.az