Tramp Rusiyadan gələn təhdidi etiraf etdi

ABŞ Prezidenti “ABŞ-a qarşı Rusiya hökumətinin yaratdığı təhdidlərə cavab tədbirləri haqqında” sərəncam imzalayıb. Bu sərəncamla ABŞ-da fövqəladə vəziyyət rejimi uzadılıb və Hindistan məhsullarına qarşı əlavə 25 faizlik gömrük rüsumları tətbiq edilib.

Kommersant.ru-nun yaydığı məlumata görə, sənəddə qeyd olunur ki, Rusiya hakimiyyətinin fəaliyyəti və siyasəti “ABŞ-ın milli təhlükəsizliyi və xarici siyasəti üçün qeyri-adi və fövqəladə təhlükə yaratmaqda davam edir”.

Prezident deyib: “Mən Ukrayna böhranı ilə bağlı Rusiya hökumətinin hərəkətləri barədə müxtəlif yüksək vəzifəli şəxslərdən əlavə məlumatlar almışam. Bu əlavə məlumatları nəzərdən keçirdikdən sonra belə nəticəyə gəldim ki, Prezidentin 14066 nömrəli sərəncamında təsvir edilən fövqəladə vəziyyət qüvvədə qalır və Rusiya Federasiyası hökumətinin fəaliyyəti və siyasəti ABŞ-ın milli təhlükəsizliyi və xarici siyasətinə qeyri-adi və fövqəladə təhlükə yaratmaqda davam edir.”

Ulusum.az