Macarıstan baş naziri Orbanın qətlinə hazırlıq – cinayətkar həbs olundu

Budapeştdə Regional İstintaq Prokurorluğu Macarıstanın baş naziri Viktor Orbanın qətlinə hazırlıq faktı ilə bağlı iş açıb. İstintaqın müəyyən etdiyi kimi, 2025-ci ilin iyulunda həbs edilən şəxs internetdə Orban üçün "ən yaxşı icarəlik qatilin" tapılmasını çağırıb və bunun üçün forint və ya başqa valyutada pul ödəməyi vəd edib, xəbər eurointegration.com.ua-dan götürülüb.

Macarıstan hüquq-mühafizə orqanları həmin şəxsin kimliyini müəyyən edib, onu saxlayıb və həbsə alıblar. Daha sonra o, ağırlaşdırıcı hallarla qətl hazırlığı ittihamı ilə şübhəli kimi dindirilib.

Bildirilir ki, şübhəli törətdiyi əməli etiraf edib.

Budapeşt Regional İstintaq Prokurorluğu onun təkrar cinayət törətmək ehtimalını nəzərə alaraq həbsinə dair vəsatət verib. Bu barədə qərar yaxın günlərdə məhkəmə tərəfindən veriləcək.

Ulusum.az