Makron arvadı haqda susmaq müqabilində Trampla "saziş" bağladı

Bu barədə jurnalist və siyasi şərhçi Kendis Ouens Takker Karlsona verdiyi müsahibədə bildirib. Onun sözlərinə görə, Makron Ağ Evin rəhbərindən həyat yoldaşı Brijit Makronla bağlı ictimai açıqlamaları dayandırmasını xahiş edib və əvəzində Ukrayna münaqişəsinin nizamlanmasında kömək təklif edib.

Ouensin sözlərinə görə, iki liderin görüşündən sonra onunla Ağ Ev nümayəndələri əlaqə saxlayaraq Fransa birinci xanımı haqqında daha heç bir açıqlama verməməsini istəyiblər. Jurnalist bu cəhdləri Makronun mümkün qalmaqalı "ört-basdır" etməyə çalışması və bunun üçün siyasi güzəştlərə getməsi kimi qiymətləndirib.

Qeyd edək ki, Kendis Ouens bu məlumatlara dair heç bir sənədli sübut təqdim etməyib. O, jurnalistika dairələrində provokativ çıxışları ilə tanınır.

Ulusum.az