Trampın çıxışlarında tez-tez mövzudan yayınmalar Qərbdə diqqət çəkdi

Britaniyanın “The Guardian” qəzeti jurnalist Adam Gebbatın müəllifi olduğu məqalədə Donald Trampın ictimai çıxış xüsusiyyətlərini təhlil edib. Məqalədə iddia olunur ki, ABŞ-ın 79 yaşlı prezidenti son bir il ərzində seçki kampaniyası tədbirlərində, müsahibələrdə və mətbuat konfranslarında əsas mövzudan kənara çıxmağa meyllidir.

Konkret nümunə olaraq, Avropa Komissiyasının sədri Ursula fon der Lyayenlə görüş zamanı yel dəyirmanları haqqında iki dəqiqəlik danışıq və Qəzzadakı humanitar vəziyyətlə bağlı suala ətraflı cavab verilməməsi göstərilir.

Nəşr tərəfindən cəlb olunan psixologiya sahəsindəki ekspertlər bu cür nitq xüsusiyyətlərini spontan hekayəçilik tərzi kimi şərh ediblər. Məqalədə qeyd olunur ki, Trampda bu cür kommunikativ davranış nümunələri son 12 ayda mütəmadi olaraq müşahidə olunur.

Ulusum.az