Tramp Pauelli hədəfə aldı: “Çox axmaq, çox siyasi və trilyonlara zərər!”

ABŞ Federal Ehtiyat Sisteminin (FES) rəhbəri Cerom Pauell əsas faiz dərəcəsini endirməkdən yenidən imtina etdikdən və gələcəkdə də bu addımın öncədən müəyyən edilmədiyini bildirdikdən sonra ABŞ Prezidenti Donald Tramp onu kəskin şəkildə tənqid edib. O, Truth Social sosial şəbəkəsində Pauelli “çox qəddar, çox axmaq və çox siyasi” adlandırıb.

Trampın sözlərinə görə, Pauellin siyasəti ABŞ-a trilyonlarla dollara başa gəlir. O, həmçinin “tikinti tarixində ən səriştəsiz və ya ən korrupsiyalaşmış yenidənqurmalardan birindən” də bəhs edib.

Ulusum.az