Fransanın naziri korrupsiya ilə ittiham olunur

Fransanın mədəniyyət naziri Raşidə Dati Avropa Parlamentində fəaliyyət göstərdiyi illərlə bağlı korrupsiya ittihamı ilə məhkəməyə veriləcək. Bu barədə eurointegration.com.ua xəbər verir.

İstintaqa görə, Dati 2010–2012-ci illərdə Renault-Nissan konserninin sabiq rəhbəri Karlos Qon üçün konsaltinq xidməti göstərib və bunun müqabilində 900 min avro alıb. Həmin dövrdə isə o, Avropa Parlamentinin deputatı olub və bu fəaliyyət lobbizm xarakteri daşıdığı üçün qanunsuz sayılır.

Raşidə Datiyə "seçilmiş şəxs tərəfindən passiv korrupsiya" və "vəzifədən sui-istifadə yolu ilə gəlir əldə etmək" ittihamları irəli sürülüb.

Qeyd edək ki, Dati hazırkı hökumətdə önəmli fiqurlardan biri sayılır və “Respublikaçılar” partiyasından Paris meri postuna əsas namizəd kimi göstərilir. Dava həmçinin Fransua Bayrunun rəhbərlik etdiyi hökumətə ciddi zərbə vura bilər.

Ulusum.az