Paşinyana qarşı cinayət iddiaları – “Zartonk” partiyası Baş Prokurorluğa müraciət etdi

Ermənistanın “Zartonk” partiyası ölkənin Baş naziri Nikol Paşinyan barəsində iki ayrı ərizəni Ermənistan Baş Prokurorluğuna təqdim etdiyini bildirib. Bu barədə RIA Novosti məlumat yayıb.

Agentliyin məlumatına görə, iki ayrı cinayət xarakterli bəyanat təqdim edilib. Partiyanın iddiasına əsasən, Paşinyan sosial şəbəkələrdə hüquq-mühafizə və məhkəmə orqanlarına yüksək rütbəli din xadimlərinə qarşı açıq şəkildə cinayət təqibi başlatmaq, onları həbs etmək və saxlanmaq göstərişləri verib. Ərizə müəllifləri hesab edirlər ki, Baş nazir bu davranışları ilə qanunçuluq prinsipini, hakimiyyətin qanunverici, icraedici və məhkəmə qollarının ayrılığına dair konstitusion prinsipi pozub və ədalət mühakiməsinə müdaxilə edib.

İkinci ərizədə isə Nikol Paşinyanın Erməni Apostol Kilsəsinə göstərdiyi təzyiqdən bəhs olunur. Partiya qeyd edir ki, onun bu addımları Ermənistan Cinayət Məcəlləsinin bir neçə maddəsinin pozulması deməkdir.

Ulusum.az