Aİ-dən Rusiyaya 18-ci sanksiya zərbəsi

Avropa İttifaqının (Aİ) Rusiyaya qarşı tətbiq etdiyi yeni – 18-ci sanksiyalar paketi qüvvəyə minib. Bu barədə TASS məlumat yayıb və qərar Aİ Şurasının “Rəsmi Jurnal”ında dərc olunub.

Yeni paketə aşağıdakılar daxildir:

– Rusiya neftinin qiymətinin bir barel üçün 47,6 dollara endirilməsi,
– 105 neft tankerinə qarşı sanksiyalar,
– “Şimal axınları” ilə bağlı bütün maliyyə əməliyyatlarının qadağan edilməsi,
– Daha 22 bankın “qara siyahıya” salınması,
– Sanksiya altına düşən Rusiya maliyyə qurumları ilə Aİ-nin maliyyə əməliyyatlarına tam qadağa,
– Yeni ixrac məhdudiyyətləri,
– Fiziki və hüquqi şəxslərin qara siyahısının genişləndirilməsi.

Qərarda qeyd olunur ki, “qadağa tədbirləri dərc edildiyi andan qüvvəyə minir”.

Ulusum.az