Trampın təhdidləri ABŞ-ın nüfuzuna xələl gətirir – Rusiyadan sərt reaksiya

Bu fikri RİA Novosti-yə müsahibəsində Rusiya İctimai Palatasının Suverenlik məsələləri üzrə komissiyasının sədri, yeni bölgələrin inteqrasiyası üzrə Koordinasiya Şurasının həmsədri Vladimir Roqov səsləndirib.

Roqovun sözlərinə görə, artıq ABŞ elitaları dünyada ABŞ-ın təkqütblü hegemonluğunun sona çatdığını qəbul etməlidir.

O, bu gün beynəlxalq münasibətlər sistemində çoxqütblülüyü nəzərə alaraq, daha məsuliyyətli və ölçülmüş xarici siyasət yürütməyin vacib olduğunu bildirib.

Xatırladaq ki, bir gün əvvəl Donald Tramp NATO baş katibi Mark Rütte ilə görüşdə bəyan etmişdi ki, əgər 50 gün ərzində Ukrayna münaqişəsinin həlli üzrə irəliləyiş olmasa, Rusiyanın neftini alan ölkələrə qarşı 100%-ə qədər “ikinci dərəcəli tariflər” tətbiq ediləcək. Eyni zamanda Tramp Avropaya yerləşdirilmək üçün 17 ədəd Patriot hava hücumundan müdafiə sisteminin Ukraynaya veriləcəyini, bu sistemlərin Avropa müttəfiqləri tərəfindən maliyyələşdiriləcəyini açıqlamışdı.

Ulusum.az