Avropa mafiyasının “səssiz diktatoru” Boqotada yaxalandı

Kolumbiyanın paytaxtı Boqotada keçirilən xüsusi əməliyyat nəticəsində Latın Amerikasında “gizli kral” kimi tanınan İtalyan mafiyasının – “Ndrangheta”nın lideri Cüzeppe Palermon (xalq arasında "Pepo" kimi tanınır) ələ keçirilib! 😱

Xəbəri birbaşa Kolumbiya Prezidenti Qustavo Petro özünün X sosial şəbəkəsində paylaşıb.

Əməliyyat Avropa Polisinin (Avropol), İtaliya və Böyük Britaniyanın birgə səyi ilə baş tutub. Axtarışda olduğu 196 ölkənin siyahısında olan Pepo, illərdir Kolumbiya, Ekvador və Perudan Avropaya tonlarla narkotik maddə daşımaqla məşğul idi.

Əməliyyat zamanı onunla birgə daha 21 nəfər mütəşəkkil cinayətkar da həbs olunub. Bu uğur beynəlxalq təhlükəsizlik qüvvələrinin narko-mafiyaya qarşı atdığı ciddi addım kimi qiymətləndirilir.

Ulusum.az