Humanitar razılaşma? HƏMAS 10 girov üçün razılıq verdi

Fələstin HƏMAS hərəkatı, Qəzza zolağında saxlanılan 10 israilli girovun azad olunmasına razılıq verdiyini açıqlayıb.

Bu barədə məlumat hərəkatın Telegram kanalında yayımlanan rəsmi bəyanatda yer alıb. Bildirilib ki, Dohada aparılan məsləhətləşmələr zamanı bu qərar qəbul edilib.

“HƏMAS danışıqların uğurla nəticələnməsində maraqlıdır və bu səbəbdən 10 girovun azad edilməsinə razılıq verib.
Lakin bir sıra əsas məsələlər üzrə məsləhətləşmələr davam edir.

Bu məsələlərə Qəzzaya humanitar yardımın daxil olması, İsrail qoşunlarının bölgədən çıxarılması və atəşkəsin daimi olması üçün real zəmanətlərin verilməsi daxildir,” – deyə açıqlamada bildirilir.

Ulusum.az