Dronlar, partlayışlar, həyəcan: Ukraynada növbəti gecə kabusa çevrildi

Ukrayna bu gecə bir daha təhlükə ilə üz-üzə qaldı. Rusiyaya məxsus uzaqmənzilli MiQ-31K qırıcısının havaya qalxması səbəbilə ölkənin bütün ərazisində hava həyəcanı elan edilib. Bu barədə "Unian" məlumat yayıb.

Eyni zamanda Kiyev vilayətində və digər bölgələrdə çoxsaylı pilotsuz uçuş aparatları (PUA) müşahidə olunub. Ukrayna HHM (hava hücumundan müdafiə) qüvvələri dərhal aktivləşdirilərək dronlara qarşı tədbirlər görməyə başlayıb.

Bu zaman Dnepr şəhərinin sakinləri də şiddətli partlayış səsləri eşitdiklərini bildiriblər. Hazırda vəziyyət gərgin olaraq qalır və əhali sığınacaqlarda gözləməyə davam edir.

Ulusum.az