Azərbaycan və Mərakeş arasında təhsil sahəsində əməkdaşlıq genişlənir

Azərbaycanın Mərakeşdəki səfiri Nazim Səmədov Mərakeş Krallığının Ali Təhsil, Elmi Tədqiqat və İnnovasiya naziri Əzzəddin əl-Midaoui ilə görüşüb.

Görüşdə iki ölkə arasında təhsil sahəsində əməkdaşlığın inkişafı müzakirə olunub. Azərbaycan və Mərakeşin ali təhsil müəssisələri arasında əlaqələrin qurulması, müqavilələrin imzalanması və gələcək addımların atılması məsələləri ön plana çəkilib.

Tərəflər, həmçinin, gələcək illərdə həyata keçirilə biləcək əməkdaşlıq layihələrini, o cümlədən nazirlərin qarşılıqlı səfərlərini, tələbə mübadiləsini və ikili diplomların verilməsini müzakirə ediblər.

Mərakeşli tələbələrin Azərbaycanda təhsil imkanları və ərəb, azərbaycan dillərinin tədrisi məsələləri də gündəmdə olub.

Ulusum.az