İsveçdən Ukraynaya 180 milyon dollarlıq yardım

İsveç Ukraynaya 1,67 milyard kron (təxminən 180 milyon dollar) məbləğində yeni yardım paketi ayıracaq.

Bu barədə ölkə hökumətinin mətbuat xidməti məlumat yayıb.

Rəsmi açıqlamaya görə, digər ölkələrə göstərilən iqtisadi yardımın strukturu yenidən nəzərdən keçirilib və bu çərçivədə Əfqanıstanla əməkdaşlıq proqramından, Asiya və Okeaniya ölkələri ilə inkişaf strategiyasından mərhələli şəkildə imtina ediləcək.

İsveçin xarici ticarət və beynəlxalq inkişaf üzrə naziri Binyamin Dousa bildirib:

“Biz Ukraynaya və dünyada həyat qurtarmaq üçün səylərə 1,67 milyard kron ayırırıq. ABŞ-ın azaltdığı yardımları tamamlaya bilmərik, amma əlimizdən gələni edəcəyik”.

Nazir əlavə edib ki, Ukraynaya və ətraf bölgələrə dəstək göstərmək Avropa üçün ekzistensial əhəmiyyət daşıyır və Ukrayna İsveç üçün prioritetdir.

Ulusum.az