Trampdan Suriyaya tarixi jest – 20 illik sanksiya rejimi ləğv edildi!

ABŞ Prezidenti Donald Tramp 1 iyuldan etibarən Suriyaya qarşı sanksiya rejiminin ləğvi ilə bağlı tarixi fərman imzalayıb.

Ağ Evin yaydığı bəyanata görə, bu addım “ölkənin sabitlik və sülh yolunda irəliləyişinə dəstək vermək” məqsədi ilə atılıb.

Bəyanatda qeyd olunur ki, fərman Suriyaya qarşı sanksiyaları ləğv etsə də, keçmiş prezident Bəşər Əsəd, onun yaxın çevrəsi, insan haqlarını pozan şəxslər, narkotik alverçiləri, kimyəvi silahlarla əlaqəli şəxslər, İŞİD və onun qolları ilə əlaqəli olanlar, eləcə də İranın Suriyadakı nümayəndələri üzərindəki sanksiyalar qüvvədə qalır.

Qeyd edək ki, bu sanksiyalar 2004-cü ildən qüvvədə idi.

Ulusum.az