Xameneidən sərt bəyanat: İsrailin zərbələri cavabsız qalmayacaq!

İranın Ali rəhbəri Ayətullah Seyid Əli Xamenei xalqa müraciət edərək bəyan edib ki, İsrailin son hərbi hücumları cavabsız qalmayacaq. O, Silahlı Qüvvələrə tam döyüş hazırlığına keçmək barədə əmr verib.

Bununla yanaşı, İranın Böhran Vəziyyətlərində İdarəetmə Qərargahı vətəndaşları təxribatlara uymamağa, panikaya düşməməyə çağırıb və yalnız rəsmi mənbələrə inanmağı tövsiyə edib. Kiber fəallara da ictimai psixoloji təhlükəsizliyi qorumaq tapşırılıb.

Xatırladaq ki, ötən gecə İsrail Hərbi Hava Qüvvələrinin 200-dən çox qırıcısı İranın 100-dən artıq obyektini bombalayıb. Nəticədə yüksək rütbəli hərbçilər, nüvə sahəsinin aparıcı alimləri və dinc vətəndaşlar həyatını itirib.

Ulusum.az