İsraildə səfərbərlik: Minlərlə əsgər orduya çağırılır

İsrail Müdafiə Qüvvələrinin Baş Qərargah rəisi, general-leytenant Eyal Zamir ölkədə qismən səfərbərlik elan edildiyini bəyan edib.
Ulusum.az xəbər verir ki, o, İsrail xalqına müraciətində ordunun həm ön, həm də arxa cəbhədə ciddi hazırlıq içində olduğunu vurğulayıb və vətəndaşları orduya dəstək olmağa çağırıb.
“On minlərlə əsgəri silah altına çağırırıq və bütün sərhədlərdə hazırlıqları gücləndiririk. Bu mübarizə həm yaxın, həm də uzaq cəbhədə aparılır. Ordumuz qətiyyətlə hərəkət edir və təhlükəsizlik qüvvələrimiz həyatlarını riskə ataraq bizi qoruyur,” – deyə general Zamir bildirib.
Səfərbərlik qərarı İsrailin bu gecə İran ərazisində keçirdiyi genişmiqyaslı hava əməliyyatından dərhal sonra verilib. Əməliyyat çərçivəsində 200-dən çox döyüş təyyarəsi İranın müxtəlif strateji nöqtələrinə zərbələr endirib.