Tramp ailəsində prezidentlik yarışı başlayır – Kimlər namizəd olacaq?

ABŞ Prezidenti Donald Trampın oğlu, Donald Tramp Jr., 2028-ci ildə Respublikaçı Partiyasından prezidentliyə namizəd ola bilər. Bu barədə ABŞ-ın The Hill nəşri yazır.

«Trampın böyük oğlu Donald Tramp Jr. keçən həftə atası Ağ Evdən getdikdən sonra seçkilərdə iştirak etmə ehtimalını istisna etmədiyini bildirib», — deyə məqalədə qeyd olunur.

Eyni zamanda, ehtimal olunan namizədlər sırasına vitse-prezident Cey Di Vens, dövlət katibi Marko Rubio, daxili təhlükəsizlik naziri Kristi Noem və üç qubernator – Ron DeSantis (Florida), Glenn Youngkin (Virçiniya) və Brian Kemp (Corciya) daxildir.

30 martda Donald Tramp üçüncü prezidentlik dövrü barədə fikirlərinin ciddiliyini bildirib. O, namizədliyini irəli sürmək məsələsinin hələ vaxtının olmadığını qeyd etsə də, «bir çox insanın» bu qərarı dəstəkləyəcəyini vurğulayıb.

Bununla belə, ABŞ Konstitusiyasının 22-ci düzəlişi iki dövrdən artıq prezidentliyə namizədliyi qadağan edir. Lakin bir çox ekspert mövcud hüquqi məhdudiyyətlərin ətrafından keçmək yollarının ola biləcəyini bildirirlər.

Ulusum.az