Mühafizəkar etirazlarına baxmayaraq, Trampın qanun layihəsi irəlilədi

ABŞ Nümayəndələr Palatasının Büdcə Komitəsi gecə səsverməsi ilə Trampın vergi və miqrasiya paketini təsdiqlədi — qəzəbli mühafizəkarların etirazlarını dəf edərək böyük addım atıldı.

Səsvermədən sonra spiker Mayk Conson və rəhbərlik qrupu, çərşənbə günü son qərarı verəcək Palata Qaydaları Komitəsinin iclasına qədər həm sağçı mühafizəkarların, həm də moderatların narahatlıqlarını aradan qaldırmaq üçün iki gün vaxt qazanıb.

Federal xərclər məsələsi Nümayəndələr Palatasındakı respublikaçılar arasında ən böyük problem olaraq qalır və keçmiş spiker Kevın MakKarti də bu səbəbdən vəzifəsindən getmişdi.

Trampın seçki uğuru qanunvericiləri birləşdirsə də, yüksək büdcə xərcləri məsələnin yenidən ciddi sınaqdan keçməsinə səbəb olur.

Dörd sərt mühafizəkar keçən cümə günü layihənin irəliləməsinin qarşısını almış, Conson və Trampı sərt tənqid etmişdi. Lakin beşinci respublikaçı səsini dəyişdirərək layihənin yenidən müzakirəyə qayıtmasına şərait yaratdı.

Conson və digər rəhbərlər həftəsonu boyunca etirazçıları layihənin irəliləməsinə razı salmaq üçün çalışdılar. Conson “Fox News Sunday” verilişində dedi ki, danışıqlar “vaxt itirmədən və fasiləsiz davam edir və bu qanunvericilik tezliklə amerikalıların xeyrinə qəbul ediləcək.”

✍️"Ulusum".az