Makron Putinlə yenidən danışmağa hazırdı

Fransa Prezidenti Emmanuel Makron bəyan edib ki, Ukraynada hərbi əməliyyatlar dayandıqdan sonra Rusiya Prezidenti Vladimir Putinlə yenidən dialoqa başlamağa hazırdır.

"Bu prosesi tam şəffaf şəkildə və Avropadakı tərəfdaşlarımla sıx koordinasiya içində həyata keçirəcəyəm", – deyə Makron çərşənbə axşamı TF1 telekanalına verdiyi müsahibəsində bildirib.

Fransa liderinin fikrincə, Putinlə dialoq zəruridir və bu, gələcəkdə bölgədə sabitliyin bərpası baxımından önəm daşıyır.

Müsahibə zamanı Makron həmçinin qeyd edib ki, Ukrayna rəhbərliyi Rusiya ilə münaqişədə itirdiyi bəzi əraziləri geri qaytarmağın real olmadığını artıq dərk edir.

✍️"Ulusum".az