Trampın yuxusu "qaçıb"

ABŞ Prezidenti Donald Tramp Rusiya-Ukrayna münaqişəsinin həlli ilə bağlı səylərdən artan narazılığını ifadə edib. Bu barədə o, Florida ştatında aparıcı donorlarla görüş zamanı bəyan edib. Məlumatı "The Wall Street Journal" öz mənbələrinə istinadla yayıb.

Nəşrin məlumatına görə, Tramp münaqişənin həllinin ona yuxusuz gecələr yaşatdığını etiraf edib. Donorlardan birinin sualını cavablandırarkən o qeyd edib ki, Rusiya Prezidenti Vladimir Putinlə aparılan danışıqların çətinliyi onun tam nəzarət istəməsi ilə bağlıdır.

Eyni zamanda, ABŞ Prezidenti Qəzza zolağındakı münaqişənin də həllinin çətin olduğunu bildirib və vurğulayıb ki, bu bölgə artıq min illərdir müharibə şəraitindədir.

✍️"Ulusum".az