Şoltsdan Vida Nitqi – Yeni Kansler Mersə Uğurlar Arzuladı

Almaniyanın vəzifədən gedən kansleri Olaf Şolts vida nitqində Xristian-Demokratik və Xristian-Sosial İttifaqı (CDU/CSU) lideri və kansler postuna namizəd Fridrix Mersə uğurlar arzulayıb. Onun sözlərini RIA Novosti yayıb.

"Hörmətli cənab Mers! Qarşılaşacağınız bütün tapşırıq və çağırışlarda sizə böyük uğurlar və şans arzulayıram! Mütləq gələcək çətin anlarda, sizə güc və inam verəcək görüşlər keçirmənizi diləyirəm", – deyə Şolts bildirib.

5 may tarixində Şolts son dəfə kansler kimi Ukrayna prezidenti Volodimir Zelenski ilə telefon danışığı aparıb. Danışıq zamanı o, Zelenskiyə etimada əsaslanan sıx əməkdaşlığa görə təşəkkür edib və Ukrayna xalqının cəsarət və əzmini xüsusi qeyd edib.

6 may tarixində Almaniya parlamentində yeni kanslerin seçilməsi gözlənilir. Qalib namizəd Fridrix Mers olacaq. Onun koalisiyasının ilk hədəfləri arasında sərhəd təhlükəsizliyinin gücləndirilməsi, qanunsuz miqrantların deportasiyasının artırılması, həmçinin təchizat zənciri haqqında qanunun ləğvi və alman bürokratiyasının azaldılması yer alır.

✍️"Ulusum".az