Ufada Qələbə Gününə Həsr Olunmuş Teatr Tədbiri - FOTO- VİDEO

9 May – Faşizm üzərində Qələbə Günü münasibətilə Ufada yerləşən “Nur” Tatar Teatrında sənədli film nümayiş olunub.



Tədbirdə iştirak edən azərbaycanlı tələbələrimiz müharibə dövründəki qəhrəmanlıqları dərin hörmətlə yad edərək, bu böyük zəfərin xalqımız üçün nə qədər əhəmiyyətli olduğunu bir daha hiss ediblər. İkinci Dünya Müharibəsində 600 mindən çox azərbaycanlı iştirak edib, 130 nəfər Sovet İttifaqı Qəhrəmanı adına layiq görülüb.



Müharibə illərində Azərbaycan nefti SSRİ üçün həyati əhəmiyyət kəsb edib, ümumi hasilatın 71%-i Azərbaycandan təchiz olunub. Ufa şəhəri, Başqırdıstanın mədəniyyət mərkəzi olaraq zəngin tarixi irsə sahibdir. Burada yerləşən “Nur” Tatar Teatrı, şəhərin mədəniyyətinin əvəzolunmaz bir hissəsidir. Ufada təhsil alan azərbaycanlı tələbələrimiz, bu teatrda keçirilən tədbirə qatılaraq yerli mədəniyyətə və sənətə dərin hörmətlərini bildiriblər.




"Ulusum.az" ın xüsusi müxbiri İ. Əliyev xəbər verir ki, tələbələrin teatrda göstərilən səhnələrə baxışı onlarda müharibənin insan həyatına təsirini daha dərindən anlamağa kömək edib və onları sülhün əhəmiyyəti barədə düşünməyə sövq edib. Teatrın baş rollarında Başqırdıstanın xalq artisti Fina Valeyeva, Tatarstanın əməkdar artisti İrina Qəniyeva, Gülnaz Biktimerova, Tazet Dinova, Dinar Timerşaexov və digər istedadlı aktyorlar çıxış ediblər.




✍️"Ulusum".az