İran ABŞ-la danışıqlara hazırdır, amma bir şərtlə

"Əgər Vaşinqton konstruktiv mövqe tutsa və nüvə proqramının tamamilə aradan qaldırılmasında israr etməyəcəksə, İran ABŞ-la gələcək sazişin şərtlərini müzakirə etməyə hazırdır".

“Ulusum”.az TASS-a istinadən xəbər verir ki, bunu İslam Respublikasının Xarici İşlər Nazirliyinin rəhbəri Abbas Araqçi deyib.

"Amerikalılar konstruktiv mövqe tutsalar, mümkün saziş üzrə danışıqlara başlaya biləcəyik. <…> İranın [uranın] zənginləşdirilməsi məsələsi real məsələdir və bəzi narahatlıqlara baxmayaraq, biz [İranın nüvə proqramına] etimadın gücləndirilməsi üzərində işləməyə hazırıq. Amma zənginləşdirmə prinsipinin özü də müzakirə mövzusu deyil", - o, jurnalistlərlə görüşündə vurğulayıb.

Araqçinin sözlərinə görə, Amerika tərəfi İrana qarşı tələbləri ilə bağlı ziddiyyətli bəyanatlar verməkdə davam edir, lakin “danışıq masasında bütün mövqelər daha aydın olur”. İranın xarici işlər naziri əlavə edib ki, Omandakı bu məsləhətləşmələr zamanı Tehran heç bir təzyiqə boyun əyməyəcək.