İmran Xan Nobel Sülh Mükafatına namizəd olub

Keçmiş Pakistan baş naziri, ən böyük müxalifət partiyası olan «Ədalət Hərəkatı»nın təsisçisi İmran Xan, Pakistan Dünya Alyansı (PWA) tərəfindən Nobel Sülh Mükafatı üçün namizəd göstərilib.

«Biz İmran Xanı insan haqları və Pakistanın demokratik dəyərlərinin qorunmasındakı töhfələri üçün Nobel Sülh Mükafatı uğrunda namizəd göstərdik», — PWA-nın açıqlamasını The Times of India nəşri sitat gətirir, “Ulusum”.az xəbər verir.

İmran Xan ikinci dəfədir bu nüfuzlu mükafata namizəd göstərilir. 2019-cu ildə o, Hindistanla münasibətlərdə hərbi gərginliyin azaldılması istiqamətindəki səylərinə görə Pakistan tərəfindən Nobel Sülh Mükafatına namizəd göstərilmişdi və o zaman Pakistan parlamentində onun namizədliyini dəstəkləyən bir qətnamə qəbul edilmişdi. Lakin Xan, Nobel Sülh Mükafatını layiq olmadığına və bu mükafatı, onun sözlərinə görə, «Pakistan-İndistan münaqişəsinin, xüsusən də Kaşmirin statusu məsələsinin həllində son nəticəyə çatan və subkontinental sülhə aparan» bir siyasətçinin almalı olduğunu bildirmişdi.