“Gecəniz xeyrə qalsın, balacalar”dan “Karkuşanın səsi” dünyasını dəyişib

Aktrisa Qalina Marçenko 89 yaşında dünyasını dəyişib.

“Ulusum”.az-ın məlumatina görə, bu barədə "Gecəniz xeyrə qalsın, balacalar!" verilişinin çəkilişlərini həyata keçirən “AVNMedia” televiziya şousu istehsalat studiyası bu xəbəri yayıb.

Marçenko, ömrünün təxminən yarım əsrini uşaq proqramlarına və xüsusilə "Gecəniz xeyrə qalsın, balacalar!" verilişinə həsr edib. 1937-ci ilin 16 yanvarında Moskvada doğulan aktrisa, Mərkəzi Uşaq Teatrında (indiki RAMT) fəaliyyət göstərib, həmçinin Ulyanovsk, Kalinin və Kuybışev Filarmoniyalarında da işləyib. 1975-ci ildə isə Mərkəzi Televiziyaya qatılaraq uşaqlar üçün bir çox proqramda iştirak edib.

Verilişin yaradılmasında böyük əməyi olan Marçenko, kuklaların hər birinə öz ruhunu qoymuşdu. 1998-ci ildə rəssam Gertruda Sufimova ilə ayrıldıqdan sonra Karkuşa ilə tanış olmuş və o gündən etibarən 25 il boyu ayrılmaz bir əlaqə qurmuşdular.

Marçenko, özünün Karkuşa ilə bənzədiyini də qeyd edirdi: “Baxın, bu təsadüf deyil, bu taledir!” O, həmçinin 1988-ci ildə SSRİ-ABŞ telekörpüsündə Xryuşa və Amerika uşaq serialının qəhrəmanı Miss Piqqi ilə ünsiyyətdə olduğunu və sovet animasiyasının personajını səsləndirdiyini xatırlayıb.