Londonda Ukrayna üçün yeni yardım koalisiyasının danışıqları olacaq

Böyük Britaniyanın baş naziri Kir Starmer Ukraynada sülhməramlı missiyanı müzakirə etmək üçün “istəklilər koalisiyasının” yeni iclasını çağırır.

“Ulusum”.az xəbər verir ki, bu barədə “Politico” qəzeti məlumat yayıb.

“Baş nazirin “istəklilər koalisiyası” adlandırdığı təşkilatın nümayəndələri Nortvuddakı qərargahlarında yenidən görüşəcəklər, burada hərbi planlaşdırıcılar cümə axşamı günü Ukraynada atəşkəs olacağı təqdirdə qüvvələrin necə səfərbər ediləcəyi ilə bağlı ilkin danışıqlar aparacaqlar”.

Görüş gələn həftəyə planlaşdırılıb və üç gün davam edəcək.