Keçmiş futbolçu Gürcüstanda prezidentliyə namizəd olur

Keçmiş futbolçu Mixail Kavelaşvili hakim "Gürcü Arzusu" partiyasından Gürcüstan prezidentliyinə namizəd olduğunu partiyanın fəxri sədri Bidzina İvanişvili açıqlayıb.

Kavelaşvili 1990-cı illərdə "Dinamo Tbilisi", "Mançester Siti" və "Alaniya"da çıxış edib. Futbolçu karyerasında sonuncu klubu 2005-2006-cı illərdə çıxış etdiyi İsveçrənin "Bazel" klubu olub. 2016-cı ildə Kavelaşvili “Gürcü Arzusu”ndan parlamentə seçilib, bu ilin martında isə “Gürcü Arzusu”ndan bir neçə nəfərin yaratdığı “Xalqın Gücü” qrupuna qoşulub.

Gürcüstanda prezident seçkiləri dekabrın 14-də keçiriləcək, onlar ilk dəfə dolayısı ilə olacaq - dövlət başçısını seçicilər kollegiyası seçəcək.

Eltun Məmmədov