Freedom House: “İran dünyada internet azadlığını boğan üçüncü hökumətdir”

Vaşinqtonda yerləşən “Freedom House” Təşkilatının “Onlayn Azadlıq 2024: Onlayn Etibar Uğrunda Mübarizə” adlı illik hesabatına görə, bütün dünyada internet azadlığının səviyyəsi son 14 il ərzində ardıcıl olaraq azalmaqda davam edib.

Bildirilib ki, internet azadlığına görə tərtib edilən reytinq cədvəlində Çin və Myanma sonuncu, İran və Rusiya isə müvafiq olaraq sondan üçüncü və dördüncü yerləri tutub.

"İnternet azadlığına görə dünyanın üçüncü ən repressiv ölkəsi olan İranın hakimiyyət orqanları boykot və ya seçki etirazlarını təşviq edən yaxud namizədləri tənqid edən hər hansı məzmunu cinayət hesab edir", - deyə, hesabatda vurğulanır.

Hesabatda İran Məhkəmə Sisteminin sosial media istifadəçilərinə basqılar və məhdudiyyətlərlə bağlı təzyiqləri də diqqətə çatdırılıb.

Qeyd edək ki, internet azadlığına görə İslandiya reytinq cədvəlinin birinci pilləsində yer alıb.


Eltun Məmmədov