İsrail BMT baş katibini "arzuolunmaz şəxs" elan etdi

İsrailin xarici işlər naziri İsrael Katz dünən “X” hesabında paylaşım edərək, BMT baş katibi Antonio Quterreşi “persona-non-grata” elan edib və onun ölkəyə girişinə qadağa qoyub.

“İranın İsrailə qarşı cinayətkar hücumunu birmənalı şəkildə pisləmək iqtidarında olmayan hər kəs İsrail torpağına ayaq basmağa layiq deyil. Terrorçuları, təcavüzkarları və qatilləri dəstəkləyən və İsrailə nifrət edən baş katib #Antonio_Quterreş BMT tarixində bir ləkə kimi yadda qalacaq”, - deyə, XİN başçısı bildirib.

Onun sözlərinə görə, İsrail, Antonio Quterreş olsun və ya olmasın, öz vətəndaşlarını müdafiə etməyə və milli ləyaqətini qorumağa davam edəcək.

Eltun Məmmədov