ABŞ İranın hücumlarına reaksiya verdi: “Ağır nəticələri gözləyin”

Ağ Evin Milli Təhlükəsizlik müşaviri Ceyk Sullivan İranın ötən gecə İsraildəki hədəflərə 200-ə yaxın ballistik raketlər atdığını bildirərək vurğulayıb ki, bu hücumların ağır nəticələri olacaq.

Ceyk Sullivanın sözlərinə görə, hazırda ABŞ hökumətinin İsraildə hər hansı ölüm faktından xəbəri yoxdur. Sullivan bildirib ki, İranın hücumu uğursuz olub.

“Biz bu hücumun ağır nəticələrinin olacağını açıq şəkildə dedik. İndiyə qədər bildiklərimizə əsasən, İran uğursuz olub. Biz israillilərlə İranın etdiklərinə necə reaksiya vermək və davranmaq baxımından növbəti addımlar barədə məsləhətləşəcəyik”, - deyə, ABŞ rəsmisi qeyd edib.

O, habelə deyib ki, ABŞ-nin İranın hücumuna cavabı təkcə sanksiyalarla məhdudlaşmaya bilər. (Hamshahri Online)

Eltun Məmmədov