Hizbullah liderinin yerini İran casusu İsrailə bildirib

Hizbullah liderinin yerini İran casusu İsrailə bildirib!

“Le Parisien” qəzeti Livandakı mənbəyə istinadən yazıb ki, İran casusu Hizbullah lideri Həsən Nəsrullahın harada olması barədə İsrailə məlumat verib və bu məlumat onun öldürülməsinə səbəb olub.

Məlumata görə, Beyrutun cənubunda çoxmərtəbəli binanın altında tikilən bunkerdə Həsən Nəsrullahın Hizbullah komandirləri ilə görüş yeri olub. İranlı casus isə Nəsrullahın görüşə gələcəyi ilə bağlı İsrailə məlumat verib. Bir neçə dəqiqə sonra İsrail qüvvələri həmin yerə xəndək bombası atıb.

Bildirilib ki, Livanda öldürülən SEPAH generalı Abbas Nilfuruşan da Həsən Nəsrullahla bir avtomobildə olub. Habelə onun 12 Hizbullah rəsmisi ilə də görüşdüyü təsdiqlənib.

Qeyd olunub ki, Həsən Nəsrullahın öldürüldüyü gün Hizbullah rəhbərliyi sentyabrın 26-da öldürülən aviasiya bölməsinin komandiri Hüseyn Sərvərin dəfn mərasimi ilə məşğul olub və bu, İsraili məlumat ötürülməsi barədə onların “diqqətini yayındırıb”.

Eltun Məmmədov