ABŞ Ordusu Ukraynaya 4000-dən çox “Javelin” tank əleyhinə raket sifariş edib

ABŞ Ordusu Ukrayna üçün 1,3 milyard dollar dəyərində 4000-dən çox “Javelin” tank əleyhinə raket sifariş edib.

Bu, bu günə qədər ən böyük bir illik Javelin istehsalı müqaviləsidir.

Raketin istehsalçıları olan Lockheed Martin və Raytheon, razılaşmanın Javelin və əlaqədar məhsul və xidmətlərin istehsalı üçün 2023-cü ilin mayında imzalanmış daha geniş müqavilənin bir hissəsi olduğunu söylədi.

Bu çoxillik müqavilə 7,2 milyard dollara çata bilər və 2023-2026-cı illər arasında “qeyri-müəyyən sayda” raket istehsalını əhatə edir.

Eltun Məmmədov