Talibandan yeni qərar: “Gündə beş dəfə məscidə getməyən hökumət işçiləri cəzalandırılacaqlar"

Talibandan yeni qərar: “Gündə beş dəfə məscidə getməyən hökumət işçiləri cəzalandırılacaqlar".

“Anf News” xəbər verib ki, Əfqanıstanın cənubundakı Qəndəhardakı bazada gizlənən və demək olar ki, heç vaxt ictimaiyyət arasına çıxmayan Taliban hökumətinin lideri Heybətullah Axundzadə yeni fərman imzalayıb.

“Hökumət nazirlikləri və qurumlarının işçiləri şəriət normaları əsasında müəyyən edilən vaxtlarda camaatla namaz qılmalıdırlar”, - fərmanda deyilib.

Bildirilib ki, namazı üzrlü səbəb olmadan tərk edən hökumət işçilərinə xəbərdarlıq ediləcək və bu addımı yenidən təkrar etdikdə onlara lazımi cəza veriləcək.

Qeyd edək ki, təxminən üç il öncə hakimiyyəti ələ keçirən Taliban qruplaşması ölkədə əfqan qızların və qadınların təhsil və məşğulluq hüquqlarını məhdudlaşdırmaq üçün bir sıra sərt tədbirlər görüb.

Eltun Məmmədov