Oğuzda çay sahilində ondan çox qəbir aşkarlanıb - FOTOLAR

Oğuzda çay sahilində ondan çox qəbir aşkarlanıb.

Qəbirlərin erkən orta əsrlərə aid olduğu güman edilir

Ulusum.az xəbər verir ki, daş qutu qəbirlər rayonun Xaçmaz kəndində, Qala çayının sol sahilində kənd sakinləri tərəfindən aşkar olunub.

Sakinlərin sözlərinə görə, çayda suyun artması nəticəsində məcranın dəyişməsi bu qəbirləri aşkara çıxarıb. Ərazidə təxminən 10-15 qəbrin olduğu bildirilir. Qəbirlərin içərisəndə hələ də insan skeletlərinin bəzi hissələri qalmaqdadır.


Qəbirlərin baş hissəsi qərbə doğru baxır. Ərazidən 30 il bundan əvvəl də sel suları nəticəsində çoxlu belə qəbirlər çıxıb. Ancaq maraqlanan, tədqiq edən olmadığından qəbirlərin böyük əksəriyyəti sel sularına qarışaraq yoxa çıxıb. Əgər burada arxeoloji qazıntılar aparılarsa Azərbaycan tarixində yeni bir səhifənin açılmasına işıq saçacaq. Qəbirlərin oluğu bu ərazi qədim Xəzər-Albaniya arasındakı ən böyük keçidinin ərazisidir. Ona görə də bura böyük bir tarixi əhəmiyyət daşıyır.

Qeyd edək ki, aşkar edilən qəbirlərin içərisində olan insan sümükləri Qala çayına sel gəldikcə torpaq qatının yuyulması ilə axıb gedir. Hazırda bu proses davam edir.

Eltun Məmmədov