"BakuBus" bu tarixdən sərnişinləri SEVİNDİRƏCƏK - EKSKLÜZİV

Qarşıdan yay mövsümünün gəlişi ictimai nəqliyyata da təsir edəcək. Belə ki, avtobuslarda kondisioner sisteminin qoşulmasını bütün sərnişinlər səbrsizliklə gözləyir.

Ulusum.az bununla bağlı "BakuBus"a sorğu ünvanlayıb. Şirkətin sözçüsü Əsmər Əliyeva bildirib ki, reqlament qaydalarına uyğun olaraq "BakuBus" avtobuslarında kondisioner sisteminin iyun ayının birindən işlək vəziyyətə gətirilməsi nəzərdə tutulur:

“Reqlament qaydalarına uyğun olaraq iyun ayının birində avtobuslarda kondisioner sisteminin işə salınması nəzərdə tutulur. Ancaq ötən il havaların isti keçməsi ilə əlaqədar olaraq may ayının 26-sı kondisioner sistemi işə salınmışdı. Bu il isə hələlik havalar sərin keçir, ona görə də hazırda iyun ayının ilk günündə kondisioner sisteminin işə salınması nəzərdə tutulub. İstisna hal olarsa, yenə mayın 26-sı kondisionerlər işə salına bilər”.

Ağa Dadaşzadə