BDU-da “Open the Door” Karyera Festivalı: Gənclər üçün Yeni Fürsətlər Platforması FOTO VİDEO

Mayın 27-də Bakı Dövlət Universitetində (BDU), Dövlət Məşğulluq Agentliyi və BDU-nun Tələbə Həmkarlar İttifaqı Komitəsinin (THİK) birgə təşkilatçılığı ilə Karyera Festivalının açılış mərasimi keçirilib.


BDU-nun rektoru Elçin Babayev tədbirin təşkilinə verdikləri dəstəyə görə Dövlət Məşğulluq Agentliyinə və iştirakçı şirkətlərə təşəkkür edib, tələbə və məzunlara uğurlar arzulayıb.


Festivalda 100-dən çox işəgötürən tərəfindən 1200-dən artıq vakansiya və 500-ə yaxın təcrübə və təqaüd proqramı təqdim olunub. BDU-nun Karyera və Məzunlarla İş Mərkəzinin direktoru Qəşəm Məmmədov bildirib ki, bu il tədbir yalnız sərgi ilə deyil, eyni zamanda altı fərqli məkanda paralel təşkil olunmuş vorkşoplar, tematik diskusiyalar, təlimlər və seminarlarla zəngin olub.


Bu format tələbələrə real time interaction (canlı qarşılıqlı ünsiyyət) imkanı yaradaraq onların suallarına birbaşa cavab tapmasına şərait yaradıb.


Qəşəm Məmmədov həmçinin qeyd edib ki, Karyera Mərkəzi tələbələrin employability (əmək bazarında rəqabətə davamlılıq) səviyyəsini artırmaq üçün fərdi inkişaf planları, mentorluq proqramları və "soft skills" (ünsiyyət, liderlik, vaxtın idarə olunması) təlimləri təşkil edir.




Startap ideyası olan tələbələrə isə innovation-based support (innovasiyaya əsaslanan dəstək) təqdim olunur. Sonda o, BDU rəhbərliyinə, təşkilatçılara və Karyera Mərkəzinin əməkdaşlarına təşəkkür edərək məzunlara uğurlu və peşəkar gələcək arzulayıb.




R.Daşdəmirova
Ulusum.az