Əmək bazarına açılan qapı: BDU-da Karyera Festivalı Başladı - FOTO - VİDEO

Mayın 27-də Bakı Dövlət Universiteti (BDU), Dövlət Məşğulluq Agentliyi və BDU-nun Tələbə Həmkarlar İttifaqı Komitəsinin birgə təşkilatçılığı ilə Karyera Festivalının açılış mərasimi keçirilib.



Ulusum.az xəbər verir ki, festivalda ölkəmizin 100-dən çox nüfuzlu işəgötürəni BDU-nun tələbə və məzunlarına 1200-dən artıq vakansiya, 500-dək təqaüd proqramı təqdim edir.

Festivalda 50-yə yaxın nüfuzlu şirkət və qurum – o cümlədən Bestcomp, Mədəniyyət Nazirliyi, Kiçik və Orta Biznesin İnkişafı Agentliyi (KOBİA), Vergi Xidmətinin Tədris Mərkəzi ilk sırada yer alıb. Bundan əlavə, Ein Group, Bioloji Müxtəliflik Mərkəzi, Azəricard, Atəşgah Sığorta, Aqrar Sığorta Fondu, Qarabağ Dirçəliş Fondu, VTB Bank, Bank of Baku, Kapital Bank, Unibank, ABB Bank, Yelo Bank, Baku Marriott Hotel, Baku Medical Plaza, Bonadea, Psixologiya Elmi-Tədqiqat İnstitutu, Azərbaycan Gənclər Fondu, Milli Observatoriya və digər tanınmış qurumlar festivalda iştirak edərək tələbə və məzunlara vakansiyalar, təcrübə və təqaüd proqramları təqdim ediblər.




Festivalın keçirilməsində məqsəd tələbə və məzunları ölkənin aparıcı şirkətləri ilə bir araya gətirmək, onların əmək bazarına uğurlu inteqrasiyasını təmin etməkdir.



Festivalda tələbə və məzunların bilik və bacarıqlarının inkişaf etdirilməsi məqsədilə vörkşop və seminarların keçirilməsi, simulyasiya və startap güşələrinin təşkili nəzərdə tutulub.