3,7 milyonluq tikinti layihəsi – FHN bu rayonda start verir

Fövqəladə Hallar Nazirliyinin (FHN) Dövlət Yanğından Mühafizə Xidmətinin (DYMX) 4 çıxışlı Füzuli Rayon Dövlət Yanğından Mühafizə Hissəsinin inzibati binasının tikintisinə başlanılır.

Bu barədə "Ulusum".az nazirliyə istinadən xəbər verir.

Məlumata görə, tikinti işlərinə 3,7 milyon manata yaxın vəsaitin sərf olunacağı proqnozlaşdırılıb.

Xatırladaq ki, 2020-ci ilin noyabrında FHN-in Dövlət Yanğından Mühafizə Xidmətinin Füzuli rayon Dövlət Yanğından Mühafizə Hissəsi Füzuli şəhərində fəaliyyətə başlayıb.
Həmçinin Xocavənd rayonunun Hadrut qəsəbəsində FHN DYMX-nin yerli strukturunun xidməti təşkil olunub.