Ədliyyə Nazirliyinin Probasiya xidməti CEP-in Antalya konfransında təmsil olunub

5–7 may 2025-ci il tarixlərində Türkiyənin Antalya şəhərində keçirilən Avropa Probasiya Konfederasiyasının (CEP) “Probasiya fəaliyyəti barədə ictimai rəyin formalaşdırılması” mövzusunda konfransında 20 ölkədən 100 nümayəndə iştirak edib.





Konfransda probasiya sisteminin müxtəlif meyarları, cəmiyyətdə rolu və əhəmiyyəti, ictimai sanksiyalara münasibət və ən yaxşı təcrübələrin təbliği üçün strategiyalar müzakirə olunub.



Azərbaycanı tədbirdə Ədliyyə Nazirliyinin Probasiya xidmətinin rəisi Vüqar Ağayev təmsil edib və “Azərbaycanda azadlıqdan məhrumetmə ilə bağlı olmayan cəzalar və probasiya fəaliyyəti: yeni tarix və trendlər” mövzusunda çıxış edib..



Sessiyalar zamanı probasiya xidmətlərinin inkişafı, rəqəmsallaşdırılması və beynəlxalq əməkdaşlığın gücləndirilməsi istiqamətində təkliflər irəli sürülüb.

✍"Ulusum".az