Prezidentin sərəncamı ilə yeni baş prokuror təyin edilib

Azərbaycan Respublikasının Prezidenti İlham Əliyevin 2025-ci il 12 may tarixli sərəncamı ilə Bəhruz Vidadi oğlu Əhmədov Baş prokurorun müavini – Azərbaycanın Hərbi prokuroru vəzifəsinə təyin edilmişdir.

1984-cü il 4 iyul tarixində anadan olan Bəhruz Əhmədov, 2006-cı ildə Bakı Dövlət Universitetinin hüquq fakültəsini bitirmişdir.

Əmək fəaliyyətinə Qarabağ Hərbi Prokurorluğunda müstəntiq kimi başlayan Əhmədov, sonrakı illərdə Ağır cinayətlərə dair işlər üzrə istintaq idarəsində böyük müstəntiq, kriminalistika şöbəsinin prokuroru və Qazax Hərbi Prokuroru vəzifələrində çalışmışdır.

2020-ci ilin iyul ayından etibarən isə Hərbi Prokurorluğun İstintaq İdarəsinin rəisi vəzifəsində fəaliyyət göstərmişdir.

Ədliyyə polkovniki rütbəsinə malik olan Bəhruz Əhmədov, xidmət etdiyi müddət ərzində hərbi intizamın və qanunçuluğun möhkəmləndirilməsi, insan hüquq və azadlıqlarının müdafiəsi sahəsində əhəmiyyətli töhfələr vermişdir.