Qazaxda Heydər Əliyevin 102-ci ildönümünə həsr olunmuş ekskursiya keçirildi.

Qazax Rayon İcra Hakimiyyəti yanında Gənclərin Yerli Məşvərət Şurasının təşkilatçılığı ilə Ümummilli Lider Heydər Əliyevin 102-ci ildönümünə həsr olunmuş maarifləndirici ekskursiya keçirilib.



Ekskursiyada iştirak edən tələbələr Qazax Ədəbiyyat Muzeyində ədiblərimizin həyat və yaradıcılığı ilə tanış olublar, sonra Tarix-Diyarşünaslıq Muzeyində rayonun qədim tarixi və mədəni irsi haqqında məlumat əldə ediblər. M.P.Vaqif və M.V.Vidadinin Xatirə Muzeyində muzeyin fəaliyyəti və eksponatları tələbələrə təqdim olunub, sonra isə Qazax Dövlət Rəsm Qalereyasında nümayiş olunan vətənpərvərlik ruhundakı əsərlər böyük maraq doğurub.



Heydər Əliyev Mərkəzində Ulu Öndərin həyat və fəaliyyətinə dair materiallar və interaktiv texnologiyalar tələbələrdə dərin təəssürat yaradıb. Növbəti ünvan olan Xalq şairi Səməd Vurğunun Poeziya Evində tələbələr şairin həyat və yaradıcılığı ilə tanış olublar.



Qazaxın Daş Salahlı kəndindəki “Avey” Dövlət Tarix-Mədəniyyət Qoruğunun Damcılı filialında gənclər mağaranın tarixi və arxeoloji əhəmiyyəti haqqında məlumat alıblar. Ekskursiya iştirakçıları sonda bu təşəbbüsə görə Qazax Rayon İcra Hakimiyyətinin başçısı Rəcəb Babaşova təşəkkürlərini bildiriblər.



✍"Ulusum.az